Ritorna

E  RUMAGNOL

Un Rumagnôl ta l'cnöss a la luntèna
parchè l'è frènch, l'è s-cètt e l'è curtés,
s'l'è d'bonumôr l'è dôlz cumè l'Albèna
e s'l'è rabjè l'è dur cumè a Sanzvés.

S'u j avéss da ziré la tramuntèna,
zérca d'no fèj di màngh e d'no dèj pés
parchè l'è bon d'ciapèt par la gabèna,
e, e sta pôch a mandèt int che paés!

Parò, s'ta i sé andè tôrna cun al bòni,
par un amìgh l'è pront a fès scanè.
E bött sottciôra nènca Sènt'Antòni,

mo da ca' sua ta n'scàpp sènza magnè.
T'é za capì: u n'j è òss-ci e mènch madòni,
un rumagnôl pr'e vérs l'è fatt acsè.