Te t’al savita
ch’l’era lo e’ poeta
d’insdei
’d fora de’ bar
da l’Italina
lo zet
te zet
e lo u l’saveva
che te t’al savita

Andrà poi avanti il mondo senza Galli? // Tu lo sapevi che era lui il poeta / seduto al bar dell’Italina / fuori / zitto lui / zitto tu / e lui sapeva poi che lo sapevi.

E’ mi ba

A ngn’i sem pió
a sem int la sclerosi
l’è za da un po’
ch’e’ smesa tot la nota
e ‘des e’ ven ad qua
u m’punta e’ did e u m’fa:
-Ades a j ò capì
chi èl e’ tu ba!-

Mio padre // Non ci siamo più, / siamo nella sclerosi / è già da un po’ / che smania tutta notte / e adesso viene di qua / mi punta il dito e fa: / adesso ho capito / chi è il tuo babbo!

Cvânt ch’e’ ven séra

S’t’at caz un po’ a pansè,
quand e’ ven sera
t’sint che la morta
la j è un po’ pió dria
ch’e’ raspa e’ sorgh
e tot qui ch’i t’è dria
j è mes cme te
e csé chi mel e mela
che t’an i cnos e t’an i cnusaré.

Quando viene sera // Se ti metti un po’ a pensare / quando viene sera / senti che la morte / è un po’ più vicina / che il sorcio gratta / e tutti quelli che ti sono vicini / sono messi come te / e così quei mille e mille / che non conosci e non conoscerai

Avguri

U m’è ’rivat l’invid de’ complean.
Ch’u t’venga un colp
ch’u m’ toca a fè e’ regheli!
T’an t’vi?
Dà reta a me
guerdt int e’ spec
inveci ad festegè.

Auguri // M'è arrivato l'invito del compleanno / Che ti venga un colpo / mi tocca farti il regalo! / Non ti vedi? / Dammi retta / guardati allo specchio / invece di festeggiare.

Avguri

Dato ch’ò zà paghè
sbundenzia cun la cipria
boti de’ minio
droval che ruset...
no fè cme zerta zenta
ch’a sam pió dria a i quarenta
ch’an e i trenta.

Auguri // Dato che ho già pagato / abbonda con la cipria / datti dell'ombretto / usa quel rossetto / non fare come certa gente / che è più vicina ai quaranta / che ai trenta.

Piron l’è andè in pension e u s’è dè a e’ sport
ades par lo u j è sol la bicicleta.
Prema e fa e’ pin a e’ bar
e pó pr e’ fresch u s’bota zó a marena
u s’ferma quand ch’e’ ved la prema troia
pr un po’ ad ricreazion.
Fal te s'tci bon! Pó monta in bicicletta!
Quand l’è mez dé la meza
l’è zà ’rivat lé da la su murosa,
cla vedva che la sta là ’d dria a Cas-cion.
E zó bei, magné, ciavè...
Ch’l’è pó sempra caplet e pasta verda!
Roba pesenta.
U s’fa un suntin e quand ch’u s’è arpunsè
u s’ven a ca, cun tot al su farmedi.
Al zenqv l’è zà int e’ bar ch’e’ fa e’ sburon.
- Be mo ad sport ch’l’è? - t’diré.
Lo e’ dis ch’l’è e’ triatlon.

Triatlon // Piero è in pensione e s’è dato allo sport / ora per lui c’è solo bicicletta. / Prima fa il pieno al bar / poi quando è ancora fresca la mattina / si butta alla marina. / Alla prima puttana / si ferma un poco / è la ricreazione / Prova a farlo anche tu / se sei un campione / poi corri in bicicletta! / A mezzogiorno è dalla fidanzata / la vedova / che sta là a Castiglione. / E giù bere, mangiare e tutto il resto... / e sono cappelletti e pasta verde! / Roba pesante. / Un sonnellino / e via che viene a casa / ma piano, piano / con tranquillità / E poi alle cinque tu lo trovi là / al bar dov’è partito / che fa il galletto nei pressi del bancone. / - Ma questo non è sport! - tu mi dirai. / Lui invece dice sì / che è il triatlone.

L’è ’csé la vita

Un dé che t’vé in mutor
par la tu streda
u t’ pasa aventi ona
cun e’ scuter
un svulazéd ’d cavel
bionda, abrunzeda
da quel ch’u s’ ved
e’ pè ’na bela figa
e t’dé de gas pr avdela
giost par guardela
gnenca par dìi quel
te t’pruv a dei de’ gas
mo tci zà a e’ masum
T’a i dé, t’a i dé
mo u ngn’ piò gnint da fè
- U ngn’ ra a qué un incros?
Mo u ngn’ un semaforo! -
gnint
e lia ch’la va
e la sluntèna via
pianin, pianin
pó quand t’a gn’i pens pió e t’at ci bela mes e’ cor in pesa
la acosta e la s’aferma
e te tci in pala
e u n tira gnenca i freni.

Così è la vita // Un giorno te ne vai / per la tua strada / e la vedi / che ti sorpassa in scooter / capelli lunghi / biondi / pelle abbronzata / da quello che si vede / una gran fica / e dai del gas / così per sfogar l’occhio / ma il tuo motore è al massimo / e tu spingi / spingi / però, niente da fare / - Ma qui c’era un incrocio? / Non c’è un semaforo / che la possa fermare! - / Niente / e lei va / e si allontana piano / tu non ci pensi più / ma all’improvviso / accosta / e poi si ferma / e tu sei ancora al massimo / e quando provi / non vanno neanche i freni.